Nagapati si Raffy Tulfo nga may posibilidad nga duha ka miyembro sang majority bloc sa Senado ang magsaylo sa minority bloc bangud sang ila ginapakita nga wala pag-uyon sa pila ka nagakatabo sa mataas nga kapulungan.
Sa isa ka interbyu, ginpahayag ni Tulfo nga may iya siya napansin nga pila ka senador sa majority nga daw indi kuntento sa tunga sang nagalain-lain nga isyu kag tensyon sa Senado. Suno sa iya, ang kilos kag pamatasan sang duha ka senador nagapakita nga wala sila nagaayon sa pila ka desisyon kag hitabo sa sulod sang Senado, bisan wala niya ginngalanan kon sin-o sila.
Sa karon, may 11 ka miyembro ang minority bloc samtang 12 naman ang majority bloc. Ginsiling ni Tulfo nga manipis na lamang ang kalainan sang numero sang duha ka kampo, gani posible nga magbag-o ang balanse sang pwersa sa Senado kon may mga senador nga magsaylo sang kampo.
Dugang pa niya, padayon nga nagasuporta ang minority bloc kay Sherwin Gatchalian bilang posible nga lider sang Senado, kag mahimo nga magbag-o ang liderato kon magpadayon ang kasamtangan nga sitwasyon sa mataas nga kapulungan.Duha ka senador sa majority bloc, posible nga magsaylo sa minority – Tulfo
