Kumpiyansa ang economic managers sang Marcos administration nga makabangon ang ekonomiya sang Pilipinas subong nga 2025.
Sa isa ka statement, ginpahayag ni Department of Finance (DOF) Secretary Ralph Recto nga apisar manubo sa target sang gobyerno ang pagdabong sang ekonomiya sang 2024, padayon suno ini nga nagbida bilang isa sa fastest-growing economies ang Pilipinas sa ASEAN kag sa bilog nga kalibutan.
Ini ang sa pihak suno sang mga panlabas kag pansulod nga hamon kaangay sang makahalalit nga mga kalamidad ukon bagyo nga nagaigo sa pungsod, geopolitical tensions kag subdued global demand.
Suno pa sa DOF, napabilin sang ekonomiya sang Pilipinas ang mapag-on nga gross domestic product (GDP) growth nga 5.6% sang 2024, nga ikaduha sa pinakamadasig nga pagdabong sa ASEAN sa pihak pa sang madamo nga mga pagtilaw.
Sang nakaligad nga tuig, ang mga serbisyo kag industriya ang nagapanguna nga nag-ambag sa pagdabong sang ekonomiya nga nagdugay pa sa 6.7% kag 5.6%.
Rason nga nakikita subong nga tuig nga mapabaskog pa ang ekonomiya sang pungsod pinaagi sang mas manubo nga inflation kag mas mataas nga pagkonsumo kag mga pamuhunan.
Gin-athag naman ni Department of Budget and Management (DBM) Secretary Amenah Pangandaman nga nakaapekto sang dako sa ekonomiya ang 6 nga magkasunod nga bagyo nga nag-igo sa pungsod sang ulihi nga kwarter sang 2024.
Apang nahimo gihapon suno diri nga maabot ang 5.6% sang 2024 nga nagapakita nga nagaepekto ang mga formula sang gobyerno para sa economic growth.
