ROXAS CITY-Ginkompimar sang General Manager sang Capiz Electric Cooperative ukon CAPELCO nga may yara sang isa ka empleyada nila nga nagpositibo sa COVID-19.
Ginpahayag ni Engr. Edgar Diaz nga isa ka babayi nga empleyada sang CAPELCO annex office sa Barangay Dayao sining siyudad ang nagpositibo nga indibidwal.
Suno sa kay Diaz nga sang Setyembre 8 sang nakabatyag sang sintomas ang amo nga empleyada rasun nga wala na ini ginpabalik sa trabaho.
Apang sang Huwebes, nag-abot ang resulta sang iya nga RT-PCR test kun sa diin nagpositibo ini sa virus.
Ginkompirmar man ni Diaz nga gin-relieve na ang 15 ka mga empleyado sang CAPELCO nga na-close contact sang nagpositibo nga empleyada.
Gindugang pa ni Diaz nga kabahin sang ila nga preventive measures nga ginkasugtan sang board of directors nga temporaryo nga siraduhon ang talatapan tubtob sa Lunes, Setyembre 21 agud sa pagpatigayon sang disinfection.
Samtang ginpahayag man ni Diaz may yara sang extension sang payment sa mga konsumidor sa Roxas City nga magabayad sang bill apang natabuan nga sirado ang talatapan.
Suno sa kay Diaz nga may yara sang 7 ka adlaw nga extension ang mga konsumidor sa siyudad nga makabayad sang ila sini napaso nga mga bills.
Sa karon padayon pa nga ginahibalo sang mga otoridad kun sa diin nakuha sang nagpositibo nga empleyado ang nasambit nga viru
