CAPIZ – Nagapabilin nga epektibo sa gihapon ang Executive Order No. 27 ni Capiz Governor Fredenil Castro nga naga-suspend sa tanan nga bag-o kag renewal applications para sa mountain quarry operations sa probinsya.
Sa interview sang Bombo Radyo kay Mr. Ronald Cullo, Head sang Capiz Provincial Environment and Natural Resources Office (CaPENRO), iya ginpahayag nga wala pa na-lift ang executive order bangud may mga ginapa-review pa ang gobernador nga mga polisa agud makapasanyog sang partisipasyon sang publiko sa pag-monitor sang mga quarry operations.
Suno kay Cullo, luyag ni Governor Castro nga ma-review man ang mekanismo sa enforcement sa diin kinahanglan pabaskugon ng “feedback mechanism” sang mga barangay monitoring teams.
Pahayag niya, nagaplano man ang gobernador nga bisitahon ang pila ka mga mountain quarry operations agud ma-monitor sang personal.
Dugang pa sang natungdan, may yara sang 25 ka mga permittees nga nagapatigayon sang quarry operations sa probinsya sang Capiz.
