-- ADVERTISEMENT --
ROXAS CITY – Kahadlok ang nabatyagan sang isa ka estudyante nga babaye, matapos ginapahayag nga ginlingling sang isa ka laborer sa Purok 1, Barangay Libas, Roxas City.
Ginkilala ang biktima kay alyas “Dalia”, menor de edad samtang ang ginatudlo suspek ang ginkilala kay alyas “Alfredo”, 43-anyos lunsay mga residente sang nasambit nga lugar.
Sa impormasyon nga nakuha sang Bombo Radyo nagikan sa Roxas City PNP, ginapahayag nga samtang nagapaligo ang biktima nakit-an sang tiyo sini nga ginkilala kay alyas “JR” sa akto ang suspek nga ginalingling ang biktima.
Bangud sini, gilayon niya nga ginsinggitan ang biktima kag ginpadulungan ang puluy-an sang suspek agud komprontahon.
