-- ADVERTISEMENT --
Roxas City – Nagpalab-ot sang reklamo sa Roxas City PNP ang isa ka 22-anyos nga estudyante matapos ginaalegar nga ginsumbag sang isa ka persona sa People’s Park, Barangay Baybay, Roxas City.
Ginkilala ang tagreklamo kay Braham Belonio sang Barangay 10 sining siyudad.
Ginaalegar sang biktima nga hinali na lamang ini ginsumbag sang makatatlo ka beses ni Ivan Christopher Besa 22-anyos sang Barangay Inzo Arnaldo sining siyudad.
Wala pa nakuntento ginlagas pa ini sang suspek nga may dala sang ice pick apang gilayon naman nga nakapalagyo si Belonio.
Bangud diri, ginpakamaayo na lamang sang tagreklamo nga ipa-rekord sa pulisya ang insidente.
-- ADVERTISEMENT --
Ginapatihan naman nga may yara sang daan nga hiligut-anon ang biktma kag suspek.
