Ginbuyagyag ni anay Iloilo mayor Jed Patrick Mabilog ang ginapahayag plano nga pagpwersa sa iya agud itudlo bilang mga drug lord ang pila ka mga pulitika nga kontra ni anay pangulong Rodrigo Duterte.
Sa ginpatigayon nga pagsinapol sang House Quad Committee, ginsiling ni Mabilog nga nadiskubre niya ang plano nagikan sa isa ka police general nga nagpahog sa iya nga indi magpadulong sa Camp Crame.
Bangud sini, nagdesisyon si Mabilog kag iya pamilya nga magbiya sa Pilipinas kag naghinyo sang political asylum sa amerika bilang proteksyon nagikan sa kaugalingon nga pungsod.
Mahibaluan nga sang ginpamangkot ni Abang Lingkod party-list rep. Joseph Stephen Paduano kung sin-o ang mga pulitiko ang ginatumod ni Mabilog, ginkumpirmar sini nga sila amu sanday
anay Senador Mar Roxas kag Franklin Drilon.
Nagpanawagan naman si Mabilog sa gobyerno nga pasangkaron ang pagpatuman sang layi sa pungsod kag ipatuman ang hustisya agud mapanabat ang sino-man nga naga-abuso sa layi.
