Ginkasuhan na sang Department of Migrant Workers (DMW) sang Martes sang kaso nga plunder kag graft batok kay anay Overseas Workers Welfare Administration (OWWA) administrator Arnell Ignacio kag walo ka iban pa.
May kaangtanan ini sa kontrobersyal nga pagbakal nila sang P1.4 bilyon nga kadutaan.
Sa kaso nga gin-file sa Office of the Ombudsman, gin-akusaran si Ignacio kag duwa pa ka anay deputies sini sa OWWA subong man sang anom ka iban pa nga nagbaligya sang duta sang malversation of public funds.
Suno sa DMW nga nagtuga ang kaso sa pagbakal sang mga ginareklamo nga 1.5 hectare nga kadutaan malapit sa Ninoy Aquino International Airport Terminal 1 sang Setyembre 2024 kun sa diin ini ang paga-gamiton para sa temporaryo nga dalayunan sang mga nagapalauli nga Overseas Filipino Workers (OFW).
Apang nakita sang DMW nga ang kadutaan nga malapit sa runway sang paluparan ang indi pwede nga patindugan.
Hugot man nga ginsiling sang DMW nga wala ginkunsulta ang board of directors sang OWWA kag wala ginpasugtan ang pagbakal sang kadutaan, deed of sail kag pila ka mga kontrata nga may kaangtanan sa pagbakal sang duta.
