Nagpahayag si anay Senate President Franklin Drilon nga wala siya sang nakita nga problema bisan indi abogado ang iban nga senador nga magaserbe bilang judges sa posible nga impeachment trial ni Sara Duterte.
Suno kay Drilon, indi kinahanglan nga abogado ang isa ka senador agud mahimo nga impeachment judge bangud ang proseso nagabase man sa pag-usisa sang ebidensya kag pagdesisyon suno sa konstitusyon kag konsensya sang kada senador.
Ginpaathag man sini nga ang impeachment trial isa ka political process kag indi pareho sa ordinaryo nga kaso sa korte, gani mahimo nga makapartisipar ang mga senador bisan wala sila sang legal nga propesyon.
Dugang pa ni Drilon, importante nga sundon sang Senado ang husto nga proseso agud masiguro ang patas kag kredible nga pagdumala sang impeachment proceedings
