Napaslawan ang Filipina tennis star nga si Alex Eala sa iya semifinals bid sa ASB Classic matapos ini malutos ni Wang Xinyu sang China.
Sa ila hampang, nakabawi si Eala sa mahinay nga pagsugod kag nakuha ang una nga set apang nagdaug si Wang sa katapusan nga duha ka set.
Natapos ang hampang sa score nga 7-5, 5-7, 4-6 pabor kay Wang.
Bilang resulta, nakalab-ot si Wang sa finals sa diin maga-atubang siya kay Elina Svitolina sang Ukraine ukon kay Iva Jovic sang USA.
Para kay Eala, ini ang iya una nga torneo subong nga 2026 pagkatapos sang madinalag-on nga 2025 season sa diin nakasulod siya sa Women’s Tennis Association Top 100 kag nagdaug sang iya una nga titulo sa Women’s Tennis Association 125.
Apisar nga wala ini nakasulod sa finals, ginpakita ni Eala ang iya abilidad kag determinasyon batuk sa mas mataas nga ranking nga kontra sa Women’s Tennis Association.
