Ginalauman nga magakabuhi ang Filipinos sang mas malawig sa masunod nga dekada, sandig sa Philippine Statistics Authority (PSA).
Sa 2035, ang life expectancy ginapaabot nga maglab-ot sa 70.42 years para sa mga lalaki kag 77.06 years para sa mga babaye, mas mataas kun ipaanggid sa 66.7 kag 73.26 years sang 2020.
Ginalauman nga ang mga babaye amo ang mas maglawig nga magkabuhi sang malapit pito ka tuig kun ipaanggid sa mga lalaki.
Suno sa PSA, ang malawig nga life expectancy nagakahulogan nga madamo nga Filipinos ang magalab-ot sang old age.
Buot silingon, kinahanglan sang pungsod nga i-improve ang healthcare, pensions, social support, kag serbisyo para sa senior citizens.
Lain-lain ang life expectancy sa kada rehiyon sa diin ang National Capital Region ang ginalantaw nga may yara sang highest life expectancy, samtang ang SOCCSKSARGEN ang ginalauman nga magapabilin sang manubo.
