Fish  vendor nga nabaklan sang shabu sa banwa sang Tapaz, napasakaan na sang kaso

ROXAS CITY- Napasakaan na sang kaso nga paglapas sa Republic Act 9165 ukon Comprehensive Dangerous Drugs Act of 2002 ang isa ka fish vendor nga nabaklan sang shabu sa Barangay Taft, Tapaz, Capiz sang damlag lang.

Ginkilala ang nasambit nga akusado kay alyas “Niger,” 36-anyos, kag residente sang Brgy. Poblacion sang nasambit nga banwa.

Matandaan, narekober sa paghinakop ni alyas Niger ang tatlo ka sachets sang ginapatihan shabu kag P1,500 nga buybust money.

Sa karon, nagapabilin sa kustodiya sang Tapaz Municipal Police Station ang nasambit nga suspetsado para sa nagakaigo nga disposisyon.