Naglab-ot na sa US$7.1 bilyon ang kabug-usan nga net foreign direct investments (FDI) inflows sa Pilipinas halin Enero tubtob Nobyembre 2025.
Ini ang base sa data nga ginpaguwa sang Bangko Sentral ng Pilipinas (BSP), nga nagapakita sang mabaskog nga pagsalig sang mga foreign investors sa ekonomiya sang pungsod.
Sa bulan sang Nobyembre 2025, ang pungsod nakarekord sang net inflows nga nagabalor sang US$897 milyon.
Nagguwa man sa report nga ang South Korea amo ang nagapanguna nga ginakuhaan sang pundo sa sulod sang nasambit nga bulan, sa diin ang daku nga bahin sang ila kapital ang ginbubo sa manufacturing industry.
Sa kabug-usan nga panahon sang una nga 11 ka bulan sang tuig, magluwas sa South Korea, ang kalabanan nga bulto sang equity capital equipment naghalin sa Japan, Estados Unidos, kag Singapore.
Nahibaluan nga una ang nagsulod nga kapital ang gin-alokar sa pag-uswag sang manufacturing, wholesale and retail trade, kag real estate.
Suno sa mga eksperto, ang padayon nga pagpabakod sang FDI importante gid sa pagpadasig sang produksyon kag pagbukas sang dugang nga mga oportunidad sa trabaho sang pungsod Pilipinas.
