Ginpamatbatan sang kamatayon ang anay Agricultural Minister nga si Tang Renjian sang China bangud sa korapsyon.
Sa isa ka desisyon sang People’s Court sang Changchun sa naaminhan-sidlangan nga probinsya sang Jilin, ang korte nagsiling nga ang anay Agricultural Minister nga si Tang Renjian nagbaton sang mga hamham sa kuwarta kag propiedad nga nagabili sang kapin sa 268 million ka yuan, ukon $38 million, sa tunga-tunga sang 2007 kag 2024.
Suno sa korte, ang amo nga pagpanghamham nagresulta sa “grabe nga kapierdihan” sa interes sang estado kag sang mga pumuluyo sini, gani, nagakadapat ini sang silot nga kamatayon.
Gin-ako man suno sa iya sang anay top official ang krimen nga iya nahimo kag nagpabutyag sang paghinulsol.
Nahibaluan ang pagsentensya kay Tang ang pinakaulihi sa agresibo nga kampanya ni Chinese President Xi Jinping batuk sa korapsyon nga nagpatumba sang pila pa ka mataas nga opisyal.
