Bukas si Former Chief Presidential Legal Counsel Salvador Panelo nga mangin kabahin sang defense team ni Former President Rodrigo Duterte, samtang ginapangatubang ang katapusan nga kaso nga crimes against humanity sa International Criminal Court (ICC).
Sa isa ka interview, ginpanindugan ni Panel nga luyag sini nga mangin kabahin sang panel agud makabulig sa pagdepensa sa anay presidente.
Ini man suno sa iya ang rason kon ngaa nag-apply siya sang accreditation sa ICC, pila ka adlaw ang nakaligad.
(DUTERTE)
Dugang pa ni Panelo nga luyag man sini nga makasulod kag mabisitahan si Duterte samtang yara ini sa iya detention cell sa The Hague kag makaistorya angot sa kaso nga iya ginapangatubang.
Matapos nga mapasaka ang iya aplikasyon, ginalauman ni Atty Panelo nga magalawig pa sang walo ka bulan antes magpaguwa sang desisyon ang ICC sa iya nga request.
Matandaan nga una nga nag-file ang anak sini nga si Atty. Salvador Paolo Panelo Jr.,sang iya aplikasyon, upod ang tanan nga kinahanglanon nga mga dokumento.
