Ginkumpirma nga ginbawian na sang kabuhi si Former DPWH USec. Maria Catalina Cabral takna las 12:03 sang aga, Disyembre 19.
Ini ang kasunod nga nasapwan siya nga unresponsive sa higad sang Bued River sa Kennon Road, Tuba, Benguet sang Kagab-i.
Sa inisyal nga imbestigasyon, mga alas 3 sang hapon, padulong sa La Union si Cabral kag ang iya driver.
Naghingyo ini nga manaog sa Maramal Camp 5, Camp 4 kag ginhambalan ang driver nga pabay-an na lang siya.
Ginbalikan ini sang driver pasado alas-5 sang hapon apang wala niya ini nakita, gani gilayon ini nga nagpangayo sang bulig sa kapulisan.
Padayon pa ang imbestigasyon sang mga otoridad sa gintunaan sang kamatayon sang biktima.
Matandaan nga si Cabral ang isa sa gina-imbestigaran bangud sang kahilabtanan sa mga maanomaliya nga mga flood control projects sa pungsod.
