Ginbuyagyag ni former Senator Antonio Trillanes IV ang alegasyon nga kapin P15.6 million ang ginbaton ni former President Rodrigo Duterte halin sa businessman nga si Samuel “Sammy” Uy, nga iya gin-identify bilang isa ka drug lord.
Kabahin ini sang mga dokumento kag data nga ginpresentar ni Trillanes sa iya press conference kahapon, October 2, matapos nga ginpahayag sang House prosecution panel nga indi na ini ipatawag bilang testigo sa impeachment trial ni Vice President Sara Duterte.
Suno sa data nga ginpresentar ni Trillanes, ang gin-alegar nga transaksyon kay Rodrigo Duterte naglab-ot sa P15.6 million, nga suno sa iya nagluntad halin November 2011 tubtob April 2013.
Wala man ini nagakahulugan nga napamatud-an na ang alegasyon batok sa anay presidente ukon sa iya pamilya.
