Ginkumpirmar ni Atty. Dennis Pulma, executive clerk of court sang Sandiganbayan 3rd Division, nga nag-file sang petition for bail si anay Senador Bong Revilla para sa kaso nga malversation nga may kaangtanan sa P92.8 milyon nga balor sang flood control project sa Pandi, Bulacan.
Magasugod ang pre-trial conference sa kaso ni anay Senador Bong Revilla sa Marso 6, bangud nga na-atrasar ang iya arraignment.
Natalana naman sang korte ang finalization kon san-o magasugod ang bail hearing.
Matandaan nga sang nagkaligad nga hearing, ginpahayag sang korte nga gusto nila matapos ini sa sulod sang 30 ka adlaw.
Sini nga Biernes, Pebrero 20, ginpatigayon man ang pre-trial conference sa Sandiganbayan 6th Division para sa kaso nga graft ni Revilla kag iban pa nga mga akusado.
