-- ADVERTISEMENT --
Nagpaandam si Philippine National Police Chief General Nicolas Torre III nga i-dismiss sa serbisyo ang pulis sa tion mapamatud-an nga planted ang ebidensya.
Suno kay Gen. Torre, kun wala sang basehan ang pagdakop sang pulis sa isa ka persona, kinahanglan nga magpangayo sang bulig ang tagreklamo sa Public Attorney’s Office agud manabat ang pulis.
Pinaagi sini suno kay Torre, maimbestigaran ang pulis kun insakto ukon sala ang pagdakop nila sa isa ka tawo.
Gin-athag man sang PNP Chief nga wala sang quota ang kapulisan sa pagdakop sa mga kriminal.
