Magasugod na sa Oktubre 27 ang paghanas sang Gilas Pilipinas agud makigbahin sa Southeast Asian Games nga pagahiwaton sa Thailand humalin Disyembre 9 tubtob 20.
Suno kay Gilas coach Norman Black, ginahulat pa nila ang mangin desisyon sang Organizing Committee sa eligibility policy sang pila sini ka players.
Pila sa mga pending nga listahan bangud sa “passport only” nga polisiya sang Organizing Committee sang SEA Games amo sanday Ange Kouame, Remy Martin, Michael Philips kag Kymani Ladi.
Nahibaluan nga kahapon nga adlaw nagpatigayon sang Organizing Committee meeting agud ma-aprubahan ang pila ka mga Gilas players nga magapakigbahin sa hinampang.
Lakip sa mga nalista para sa SEA Games amo sanday Ray Parks, Thirdy Ravena, Mattrew Wright, Greg Slaughter, Veejay Pre kag iban pa.
Pila sa mga standby players sanday Dave Ildefonso kag Jason Brickman nga nagahampang subong sa iban nga liga.
Nagalaum si Black nga tugutan sang organizing commitee ang pila ka mga ngalan nga mangin mabakod ang ila nga lineups.
