Nagtaas ang ranking sang Pilipinas sa katapusan sang 2025 FIBA Asia Cup nga ginhiwat sa Saudi Arabia.
Base sa ginpagwa nga rankings sang FIBA, ang Pilipinas ang naga-uyat subong sa ika-pito nga pwesto.
Mas mataas ini kun ipaanggid sa ika siyam nga pwesto sang pungsod sa 2022 FIBA Asia Cup nga ginpatigayon sa Jakarta, Indonesia.
Kun balikan ang performance sang Gilas Pilipinas sa nakaligad nga paindis-indis, natigayon sini nga makalab-ot sa quarterfinals sa pihak sang duha ka sunod-sunod nga kapierdihan sa elimination stage.
Sa katapusan nalutos ini sang 2025 nga kampeon nga Australia sa quarterfinals, 84-60, nga nagdul-ong sa 2-3 nga rekord sa Asian meet.
Sang 2022 Asia Cup, napaslawan ang Gilas nga makalab-ot sa quarterfinals matapos nalutos sa Japan, 102-81.
Katapusan nga gin-uyatan sang national team ang FIBA Asia Cup trophy sang 1985.
Sang 2013 Cup, nagbalik sa finals ang Team Philippines apang nadulaan sang swerte matapos nalutos sang China, 67-78.
Samtang, liwat nga magapasakop ang national team sa FIBA World Cup Qualifiers nga magasugod sa Nobyembre 2025.
