Natalana nga umpisahan sang Gilas Pilipinas ang ila nga paghanas sa Oktubre 27 bilang pagpreparar sa maabot nga Southeast Asian (SEA) Games nga patigayunon sa Thailand umpisa Disyembre 9 tubtob 20, 2025.
Suno kay coach Norman Black, ginahulat pa nila ang final nga desisyon sang Organizing Committee natuhoy sa eligibility policy sang ila nga mga players.
Kalakip sa mga indi pa sigurado kun makahampang bangud sa “passport only” policy sang SEA Games amo sanday Ange Kouame, Remy Martin, Michael Philips, kag Kymani Ladi.
Samtang, kalakip sa mga yara sa opisyal nga listahan sanday Ray Parks, Thirdy Ravena, Matthew Wright, Greg Slaughter, kag Veejay Pre, subong man ang duha pa nga mga players. Samtang, sanday Dave Ildefonso kag Jason Brickman ang nagapabilin nga naka-standby samtang nagahampang pa sa lain nga mga liga.
Nagalaum si Coach Black nga pahanagutan ang pila sa mga naka-standby nga players agud mapabaskog ang team sa nagahilapit nga torneo.
