Arestado ang isa ka lalaki matapos ginserbe ang Search Warrant sa Sitio Bat-os, Barangay San Ramon, Pilar, Capiz,
Ang arestado amo si alyas “Bambi,” 43-anyos, ginakabig nga High-Value Individual (HVI) kag residente sang nasambit nga lugar.
Sa interview sang Bombo Radyo kay Police Captain Achiles Fangco Jr., Officer-in-charge sang Pilar Municipal Police Station, iya ginpahayag nga nakuha sa paghinakop sang subject person ang ka .38 caliber revolver nga wala sang serial number; tatlo ka .38 caliber live ammunition; duha ka 12-gauge live ammunition.
Suno kay Fangco Jr., magluwas sa armas luthang na-recover man sa arestado ang siyam ka plastic sang suspected shabu nga may kabug-aton nga 60 grams nga may Standard Drug Price (SDP) nga ₱408,000.
Sa subong, preso na ini sa Pilar Municipal Police Station kag magapangatubang sa kaso nga paglapas sa Republic Act No. 10591 ukon Comprehensive Firearms and Ammunition Regulation Act kag Republic Act No. 9165 ukon Comprehensive Dangerous Drugs Act of 2002.
