Patay ang 88 ka indibidwal, kalakip ang 11 ka mga kababainhan kag bata bangud sa ginhiwat nga air strike sang Israel sa Northern Gaza.
Ang nagalala nga tensyon ang ginakahadlukan naman sang United Nations para sa kaluwasan sang 100,000 nga mga palestino nga yara sa Northern Gaza sa karon.
Ginakabalaka man sang mga director sa isa ka hospital ang kabudlay sang mga ini nga bulungon ang pila ka mga naulamid kadungan naman sang pag-ubos sang mga health workers sa lugar.
Matandaan nga pila ka semana sang ginbomba sang Israel ang Gaza sa pagpangita sa mga militante nga Hamas nga kun sa diin napabalita nga nag watak-watak ang mga ini sumugod sang isa ka tuig nga gyera.
Sa datos sang Health Ministry sa Gaza, 70 ka indibidwal ang napatay kag 23 ang padayon nga ginapangita pa sa Gaza sa Beit Lahiya.
Gin-akusahan naman sang Israel ang United Nations Relief and Works Agency for Palestine Refugees in the Near East (UNRWA) nga ginagamit sang mga militante nga Hamas ang pasilidad sang UN bilang shield sa ila mga aktibidad.
Nagpromisa naman si Israeli government spokesperson David Mencer nga padayon ini nga magabulig sa mga naapektuhan sa Gaza.
