Ginpasakaan sang Bureau of Internal Revenue (BIR) sang tax evasion ang ginsipa sa puwesto nga Bamban, Tarlac Mayor Alice Guo.
Naglansar ang kaso sa pagbalhin sang alkalde sang shares sini sa Baoufu nga siyang property developers sang Hongsheng Gaming kag Zun Yuan Technology Inc, nga makita sa kadutaan nga ginapanag-iyahan ni Jack Uy kapwa co-accused sang anay alkalde.
Pahayag ni BIR Commissioner Romero Lumagui Jr. nga wala nagbayad si Guo sang capital gains tax kag documentary stamp nga nagakabalor sang P500,000 nga may kaangtanan sa pagpabalhin sang mga propedad.
Dugang pa sang opisyal nga yara sa batas nga ang pagbalhin sang shares kag corporate books kag magreport sa Securities and Exchange Commission ang dapat magbayad danay sang buhis.
Ini na ang ikaduha nga kaso nga ginapangatubang ni Guo nga kun sa diin ang una nga kaso sini amo ang ginkasohan ini sya sang trafficking in person. Magluwas kay Guo, kalakip man sa ginpasakaan sang kaso si corporate secretary Rachelle Carreon.
