Gobyerno, magasugod na sa pagpanagtag sang subsidy sa mga pampasahero nga salakyan

Nakahanda na ang gobyerno nga umpisahan ang pagpanagtag sang subsidy para sa mga operator sang modern jeepney.

Suno sa Land Transportation Franchising and Regulatory Board (LTFRB), ang P20,000 nga subsidy kada unit ihatag sa mga kwalipikado nga operator nga may ara sang wala pa mabayran nga loan obligations kag nagaantos bangud sa ila mga utang.

Sakop sang programa ang mga modern jeepney kag UV Express sa bug-os nga pungsod, kag ang mga modern bus nga nagabyahe lamang sa Metro Manila.

Ang amu nga bulig magatabon sang tubtob tatlo ka bulan nga hulog sa mga gin-utangan sang mga operator para sa ila mga salakyan.