Grupo sang journalist sa Lebanon, luyag pasabton ang Israel sa pagkapatay sang 2 ka mamahayag

Nagpanawagan ang Committee to Protect Journalists sang independent investigation sa ginhimo nga pagpang-atake sang Israel sa southern Lebanon nga ginkapatay sang duha ka reporters kag ginkapilas sang iban pa.

Suno kay CPJ Programme Director Carlos Martinez de la Serna nga nagakadapat nga masabat ang Israel sa ginhimo nga airstrike sa compound sang Hasbaiyya.

Sa nasambit nga compound didto nagakatulog ang yara sa 18 journalist nagikan sa nagkalain-lain nga outlet. Pahayag sini nga ang pag-target sang journalists ang isa ka sahi sang war crime sa idalom sang international law.

Matandaan nga sumugod sang nag-umpisa ang giyera sa tunga sang Hamas kag Israel may yara sang masobra 100 na ka mga journalist ang napatay.