Nagahinyo ang business group nga Management Association of the Philippines (MAP) nga dapat magpatigayon anay sang mga serye sang konsultasyon antes ipatuman ang P200 nga dugang sa inadlaw nga sweldo sang mga minimum wage earners.
Suno kay MAP president Alfredo Panlilio , nga dapat indi anay magpadasu-daso ang gobyerno kag lantawon ang mangin epekto sini sa ekonomiya.
Pahayag pa sang natungdan nga ila ginasuportahan ang insiyatibo para sa pagpaayo sang pangabuhianan sang mga minimum wage workers kag ang ila nga mga pamilya.
Ginganyat man nila ang bicameral committee nga ikonsiderar ang potensyal nga epekto sini ilabi na sa mga magagmay nga negosyante.
Nanindugan ang grupo nga ang problema sa pungsod indi ang manubo nga pasweldo kundi amo ang mahal nga presyo sang mga nagapanguna nga balaklon.
