Nagapanawagan ang pila ka mga grupo sang negosyante nga Filipino-Chinese sa gobyerno sang Pilipinas kag China agud pakalmahon ang nagataas nga tensiyon sa West Philippine Sea pinaagi sa dayalogo sa neutral kag diplomatiko nga pamaagi.
Ginhiwat sang Federation of Filipino Chinese Chambers of Commerce Industry, Inc. (FFCCII) kaupod ang 32 nga iba pa ka Filipino-Chinese business kag civic federations ang joint statement sa tunga sang mga bag-o nga insidente sa ginaagawan nga kadagatan.
Ginpahayag sang grupo nga suportado nila ang panawagan ni presidente Marcos para sa diplomasiya sa pagdumala sa magkatuhay nga pungsod kag amo man ang panawagan sang presidente para sa matawhay nga pagresolba sang dispute.
Nagapati man ang grupo nga pinaagi sa constructive dialogue makakita ang 2 ka bahin sang kapareho nga ground nga pwede magresulta sang maayos nga resolusyon nga wala sang pagbasolan kag pagpakamalaut.
