Nagapanawagan ang Federation of Filipino-Chinese Chambers of Commerce and Industry Inc. (PCCI) nga indi dapat pagbalewalaon ukon pagpakanbubuon ang ginpatong nga taripa ni US President Donald Trump.
Ginpahayag ni PCCI president Enunina Mangio nga ang US tariff policies ang ginahatagan nila sa karon sang pagtamod.
Nagatuga ini sang pagpanghangkat kag oportunidad sa mga exporters sa pungsod.
Pila sa mga gintumod sang grupo amu ang ginapatuman nga retaliatory measures sang iban nga pungsod kun sa diin mangin apektado ang global market diri kaupod na ang Pilipinas.
Mabatyagan ini sang mga magagmay nga negosyo kasubong sang mga yara sa agrikultura kag food processing sa pungsod.
Una na nga ginpahayag sang Department of Trade and Industry nga bukas ang gobyerno sa pagbuhin sang taripa sa mga US import bilang sabat sa reciprocal tariff.
