Naglab-ot na sa masubra P248 million ang balor sang ayuda nga napanagtag sang Department of Social Welfare and Development (DSWD) sa mga biktima sang bagyong Enteng kag mga pag-ulan nga halit sang Habagat.
Ang nasambit nga balor ang nagikan sa napulo ka rehiyon sa bug-os nga pungsod, nga kadam-an ang nagikan sa Luzon.
Tubtob subong nga adlaw, Sept 10, may yara sang kabug-usan nga 783,000 pamilya nga ang natumod nga naapektuhan sa pagpanalasa sang nasambit bagyo.
Ini ang kabaylo sang 2.9 milyon katawo.
Tubtob subong nagapabilin naman sa mga evacuation center ang kabug-usan nga 5,350 ka pamilya. Ini ang ginakabug-usan sang 19,855 katawo.
Suno sa DSWD, padayon ang pagpaanagtag sini sang mga family food packs kag mga non-food items sa mga biktima sang bagyo, ilabi na sa mga wala pa nakabalik sa tagsa-tagsa nga mga puluy-an.
Samtang, suno sa datos sang ahensiya ang may yara sang 114 kabalayan ang dalayon nga nahalitan sa pagpanalasa sang bagyo samtang 6,382 ang natumod bilang partially damaged ukon dalayon nga nagub-an.
