Nagpanawagan si House Deputy Minority Leader kag ACT Teachers Party-list Representative nga si Antonio Tinio sang maid-id nga imbestigasyon sa ginaalegar maanomaliya sa budget sang DPWH matapos nga nagtuhaw ang impormasyon nga naga-angot kay Vice President Sara Duterte, Rep. Paolo “Pulong” Duterte, kag Atty. Harry Roque sa budget insertions sa 2020.
Suno kay Tinio, indi mahimo nga ipanginwala ni VP Duterte bangud nagsumiter man ini sang mga proyekto sa DPWH sang siya pa ang alkalde sang Davao City.
Ginsambit man sini ang gin-alegar ₱51 billion nga alokasyon sa Opisina ni Duterte nga una na nga ginkumpirmar sang nagtaliwan nga DPWH Usec. Maria Catalina Cabral.
Dugang pa ni Tinio, bisan ang pila ka mga opisyales sang Malacañang kaangay nanday Roque kag Bong Go ang gin-alegar nakabenepisyo sang panahon ni Duterte.
Ginpanindugan sang mamalidha nga nagsugod sang 2016 tubtub 2022 ang massive looting sa budget sang DPWH, gani dapat sakupon sang imbestigasyon ang ini nga bug-os nga panahon kag manabat ang mga involved.
