Nagaduda ang IBON Foundation sa dako nga pagnubo sang poverty incidence sa Pilipinas, halin 15.5% sang 2023 pakadto sa 9.7% sang 2025 sandig sa data sang Philippine Statistics Authority (PSA).
Sa interview sang Bombo Radyo kay Mr. Sonny Africa, Executive Director sang IBON Foundation, iya ginpahayagnga indi dapat paggamiton ang statistics agud matago ang matuod nga kadamuon sang mga Pilipino nga nagaagunto sa adlaw-adlaw nga pagpangabuhi.
Suno kay Africa, nagaduda sila sa ginpaguwa sang gobyerno nga datos agud mangin basehan ukon justification sa pagbuhin sang budget para sa mga pigado nga pamilya sa tuig 2027.
Ginkwestyon man sang IBON Foundation ang poverty threshold nga ginagamit sang gobyerno, nga para sa grupo tuman ka manubo kag wala naga-reflect sa aktwal nga gasto sang pamilya.
