Nagapati ang IBON Foundation nga padayon nga nagaklaro ang mga alegasyon sang gin-alegar nga indi husto nga paggamit sang confidential funds ni Vice President Sara Duterte paagi sa mga testimonya sang mga testigo nga ginpresentar sa Article I sang impeachment trial.
Sa interview sa Bombo Radyo Roxas kay IBON Foundation Executive Director Sonny Africa, iya ginpahayag nga importante ang mga testimonya sang mga testigo bangud ginabuyagyag sini ang mga detalye kag dokumento nga may kaangtanan sa paggamit sang confidential funds.
Suno kay Africa, samtang nagadamo ang mga ebidensya nga ginapresentar sa impeachment court, mas nagaklaro man sa publiko ang mga isyu nga sakop sang Sonny Africa.
Dugang pa niya, ang mga testimonya sang anay mga opisyal sang Commission on Audit (COA) kag iban pa nga mga testigo nagabulig agud mapakita kon paano gin-gamit ang confidential funds kag kon may yara gid man sang mga iregularidad sa proseso sang paggamit kag liquidation sini.
Madumduman nga ang Article I sang Articles of Impeachment nagasentro sa gin-alegar nga misuse sang confidential funds sang Office of the Vice President (OVP) kag Department of Education (DepEd).
