Ginpaandaman sang mga judges sang International Criminal Court (ICC) ang mga abogado nga involved sa kaso nga crimes against humanity batok kay former President Rodrigo Duterte nga ipasaka ang ila mga argumento kag reklamo sa sulod sang korte kag indi sa media.
Suno kay ICC Trial Chamber III Presiding Judge Joanna Korner, ang nagakaigo nga paagi sa pagpresentar sang mga butang amo ang sa korte sa tion sang mga paghusay.
Ginsambit man ni Korner ang mga pahayag ni Atty. Nicholas Kaufman, anay abogado ni Duterte nga una na nga ginsaway sang ICC pre-trial judges bangud sang iya public comments.
Gin-ennganyo man sini ang media nga likawan ang mga espekulasyon kag siguraduhon ang husto kag patas nga pagreport sang mga hitabo sa korte.
Pahayag pa niya, daku ang interest sang publiko kag media sa Pilipinas sa kaso ni Duterte, apang natalupangdan man ang paglapta sang sala nga impormasyon ukon “fake news” nga may kaangtanan diri.
Padayon mannga ginamonitor sang publiko ang mga hitabo may kaangtanan sa kaso ni Duterte sa ICC kag ang pagbayluhanay sang mga pahayag sa tunga sang kampo sang administrasyon kag oposisyon.
