Mahimu nga ipabilin nga sekreto sang International Criminal Court (ICC) ang pag-isyu sang arrest warrant tubtob sa dalayon na ini nga maserbe sa mga akusado sa crimes against humanity nga nahimu sa idalum sang war on drugs sang nakaligad nga Duterte administration.
Pag-eksplekar ni ICC assistant to counsel Maria Kristina Conti nga mahimu nga mag-anunsiyo ang ICC nga nadakpan na nila ang wanted sa Pilipinas kag kun padulong na sa The Hague kun sa diin nakabase ang international tribunal.
Sa karun, indi pa siguro ni Conti kun i-isyu ang nasambit nga warrant subong nga bulan ukon sa una nga bahin sang 2025.
Ginpunto naman ni Conti nga ang panawagan sa karun sang ICC para sa mas madamu pa nga testigo sa imbestigasyon sang crimes against humanity ang nagapakita nga maid-id na ang ginahimu nga pagpangalap sang mga ebidensiya.
