Nagasalig ang Deputy Prosecutor sang International Criminal Court (ICC) nga magapadayon sa full trial ang kaso nga crimes against humanity batok kay Former President Rodrigo Duterte.
Kasunod ini sang pagtapos sang apat ka adlaw nga confirmation hearing sa kaso ni Duterte sa ICC Pre-Trial Chamber I.
Suno kay Deputy Prosecutor Mame Mandiaye Niang, may ginpresentar nga ebidensya ang ila bahin kag kalabanan sini ang may kaangtanan sa mga speeches halin mismo kay Duterte.
Dugang pa nga gin-athag sang Deputy Prosecutor nga para sa kumpirmasyon sang kaso, kinahanglan lamang nila nga maghatag sang bastante nga basehan agud magpati kag nagpanindugan nga indi pa ini kabahin sang trial.
Ginpabilin man sang ICC Prosecutor nga bastante ang ebidensya agud magpati nga makatarunganon ang ila gina-akusar kay Duterte.
Ginhatagan man punto ni Niang nga kinahanglan magapadayon sa trial ang kaso batok kay Duterte, sa pihak sang pagkwestyon sang depensa nga ang kredibilidad sang mga testigo ukon ang ila diperensya, isa ka butang nga indi dapat pagbinagbinagon sang mga hukom sang ICC sa sini nga punto.
Gin-athag man sang Deputy Prosecutor nga wala pa napaidalom sa cross-examination ang mga testigo, bangud ini ang patigayunon lamang sa tion mismo sang hearing.
Samtang, sa bahin sang depensa, una na nga gin-anunsyo sang defense lawyer nga si Nicholas Kaufman nga nagapati siya nga ang mga judges sang ICC Pre-Trial Chamber I ang magadesisyon base sa mga ebidensya.
Ginalauman nga ipaguwa ang ruling sang Chamber sa sulod sang 60 ka adlaw.
