Nagpagwa sang bag-o nga guidelines ang Registry sang International Criminal Court bilang preparasyon sa natalana nga trial ni former President Rodrigo Duterte nga nagapangatubang sang kaso nga crimes against humanity may kaangtanan sa kampanya batok sa iligal nga droga.
Ang mga rekomendasyon sang ICC nagalakip sang pag-require sa mga partido sa kaso nga magkilala sang mga bahin sang transcript nga luyag nila nga i-redact ukon indi pag-ipahibalo sa publiko.
Ginapanugyanan man sang Registry ang paggamit sang transcript verification process nga gingamit sa kaso ni Mahamat Said Abdel Kani agud masiguro ang accuracy sang mga official record sang hearing.
Magluwas sini, gin-engganyo man sang Registry ang Trial Chamber III kag ang mga representatives nga gamiton ang witness-entity kag evidentiary-materials ukon E-binders modules sa Judicial Workflow Platform agud mapabilin nga organisado kag maathag ang tanan nga mga dokumento kag ebidensya.
Magapatigayon man sang duha pa ka status conferences ang ICC sa Hunyo 23 kag Hulyo 14 bilang kabahin sang preparasyon sa palaabuton nga trial.
