Gin-athag ni Senate President Pro Tempore Panfilo Lacson ang iya pahayag nahanungod sa kinahanglanon sang International Criminal Court (ICC) arrest warrants nga mag-agi sa mga korte sang Pilipinas indi agud maprotektahan sanday Senador Ronald dela Rosa kag Senador Bong Go, kundi agud respetuhon ang legal nga proseso sang pungsod.
Matandaan nga sang damlag lang ginhingadlan sang ICC sanday De la Rosa kag Go bilang ginaalegar “co-perpetrators” sa kaso ni Duterte, suno sa “Document Containing Charges” nga ginpaguwa sang Pebrero 13, 2026.
Suno kay Lacson, ang ginaprotektahan sini amo ang legislative process sang pungsod suno sa Article 3 Section 2 sang 1987 Constitution, indi ang mga senador.
Dugang pa niya, sa katapusan, ang Korte Suprema sang Pilipinas ang magapaathag sang husto nga legal nga tikang.
Pahayag pa niya, ang anuman nga arrest warrant gikan sa ICC dapat una nga mag-agi sa lokal nga korte, nga amo ang maga-isyu sang katumbas nga mando agud ipatuman ang foreign arrest warrant, kag magahatag sang oportunidad sa mga senador nga magamit ang tanan nga legal remedies.
