Pito na ka tuig matapos madula ang ido nga si Ruger, apang nakita nalang ini sang tag-iya sini sa isa ka local lost and found page sa social media.
Sang madula si Ruger sang pito ka tuig sa pamilya ni Brittany Simpson, yara lamang ini sa atubang sang ila balay kag nagahampang sa ugsaran sang gilayon nalang ini nga nadula.
Sa huna-huna ni Brittany, nabiktima si Ruger sang dognapping.
May microchip si Ruger sang nadula ini kag nagalaum ini sila nga madali ini nga mabalik sa ila, apang wala sang resulta sa ginhiwat sini nga pagpangita.
Sang tinalikdan nga Hunyo subong nga tuig, samtang naga-browse si Brittany sa isa ka social media platform, nakakita ini sang laragway sang isa ka ido sa Amarillo Pet Lost and Found page nga nagpaungkat sang tibok sang iya taguipusuon.
Gilayon nga ginpadulunan sang tag-iya ang veterinary clinic, kag ginkumpirmar sang microchip agency nga si Ruger ang nakita nga ido sini.
Liwat na nga nakaupod ni Brittany si Ruger nga abi sini indi na nya makita pa liwat.
