Nagbag-o ang panindugan ni President Ferdinand Marcos Jr. angot sa plano nga magpasaka sang impeachment complaint batok kay Vice President Sara Duterte.
Suno kay Palace Press Officer Undersecretary Claire Castro, ginpahayag sang Presidente nga kun mapasaka ang impeachment complaint, dapat ini tamdon nga kaangay sang imbestigasyon sa mga maanomaliya nga flood control projects – impartial kag nagaagi sa due process.
Apisar nga wala direkta nga ginpahayag kun suportahan ukon punggan sang Presidente ang impeachment, ginpanindugan ni Castro nga respetuhon niya ang proseso kag manabat ang sin-o man nga mapamatud-an nga guilty.
Madumduman nga sang nagligad nga mga tinuig, gintawag ni Presidente Marcos nga usik lang ang pag-impeach sa bise presidente.
Pahayag pa ni Castro, mahimo nga indi lubos nga nahangpan sang Presidente ang kadakuon sang mga isyu nga ginahaboy batuk kay VP Duterte.
Ginhatagan pagtamod sang Malacañang nga dapat ipatuman ang accountability kag due process, kag dapat padayunon ang imbestigasyon base sa ebidensya.
