Kumpiyansa si Caloocan City Rep. Egay Erice nga mahimo ma-consolidate sa Kamara ang duha ka separado nga reklamo sa impeachment.
Una nga ginpasaka ang reklamo batuk kay President Ferdinand Marcos Jr samtang ginalauman man nga mapasaka ang reklamo batok kay VP Sara Duterte sa bulan sang Pebrero.
Suno kay Erice, kun dungan nga pamatian sang Kamara ang merito sang duha ka reklamo, ang mga mamalidha lamang ang makahimo sini.
Dugang pa niya, indi lamang mahimo nga hiwaton ini sang dungan sa pareho ukon pareho nga oras, kundi sa baylo mahimo ini hiwaton sa separado nga mga adlaw apang sa amo man nga semana ukon bulan.
Nagapati si Rep. Erice nga kon luyag sang pamunuan sang Kamara, mahimo ang amo nga set-up.
Ginpamangkot man ang mamalidha kun magahinay pa gid ang ekonomiya sang pungsod bangud sang duha ka posible dungan nga reklamo sang impeachment batok sa pinakamataas nga opisyal sang pungsod.
Sabat ni Erice, madugay na nga mahinay ang ekonomiya sang Pilipinas sa idalum sang subong nga administrasyon, bangud sa nabuyagyag nga eskandalo sa palibot sa mga public infrastructure project.
