Ginpagwa sang Aircraft Investigation Bureau sang India ang ila preliminary report sa pagkatibusok sang Air India sang Hunyo.
Natukiban sa imbestigasyon nga nautod ang fuel control switch sa cockpit sang Boeing 787 Dreamliner rason nga wala na masudlan sang gasolina ang makina.
Nakita man ini sa mga Black boxes, nga nagalakip ang 49 ka oras nga datos sang paglupad kag duha ka oras nga audio sang cockpit.
Ang eroplano may kadasigon nga 180 knots sang ang duha ka makina sini naka-eksperyensya sang “fuel cutoff”.
Mabatian sa audio recording nga namangkot ang piloto kun ngaa gin-utod niya ini, nga ginpanginwala namn sang iya kaupod nga piloto.
Ang fuel cutoff nahamtang sa tunga sang duha ka piloto sa diin may yara ini sang locking mechanism agud malikawan ang aksidente nga paghulag.
Ang flight captain isa ka 56 anyos nga lalaki nga may 15,000 ka oras sa iya career samtang ang ikaduha ang 32 anyos nga may 3,400 man ka flying hours.
Madumduman nga sang Hunyo 12 sang ang eroplano naghalin sa Sardar Vallabhbhai Patel International Airport kag padulong sa London sang ini ang nag-crash.
Sa kabug-usan nga 242 ka mga pasahero kag tripulante, nga nagalakip sang 169 ka mga Indian nationals, 53 ka mga Briton, pito ka mga Portuges kag isa ka Canadian, isa lamang ka Briton ang nakalampuwas.
