ROXAS CITY- Nagsaka sa 4.1% ang inflation rate sa presyo sang mga baligya kag serbisyo sa probinsya sang Capiz para sa bulan sang Hulyo 2026 kag madasig ini kun ipaangid sa 0.2% sang Hulyo 2025. Ini ang opisyal nga gin-anunsyo sang Philippine Statistics Office (PSA) Capiz sa pagpanguna ni Officer-in-charge Rosiebelle A. Beluso.
Sa pangkabug-osan, ang average inflation sang Capiz halin sang Enero tubtob Hulyo 2026 nagpabilin sa 3.3%.
Sandig sa data sang PSA Capiz, isa sa mga major contributors sang pag-taas sang inflation rate amo ang Housing, Water, Electricty, Gas, and Other Fuels nga naglab-ot sa 3.5% sang Hulyo gikan sa 1.6% sang Hunyo kag nag-contribute sang 94.7% sa kabug-osan nga pagsaka.
Bugas, ang nagpabilin nga pinakadako nga contributor sa 7.4% nga inflation rate. Sa bahin naman sang mga Income Households nga yara sa 30%, nagsaka man ang inflation rate sa 3.9% sang Hulyo gikan sa 3.7% sang nagligad nga bulan, kun sa diin ang balayran sa kuryente, tubig, kag ang bugas gihapon ang nagpabug-at sa mga pigado nga pamilya.
Sa kabug-osan, ang pagsaka sang inflation rate sa 4.1% nagapakita sang padayon nga pagpanghangkat sa ekonomiya sang probinsya sang Capiz.
Sa subong nga ang average inflation sa low-income households yara na sa 2.8% gikan sa Enero tubtob Hulyo.
