-- ADVERTISEMENT --
Naghina ang inflation rate sa probinsya sang Capiz sa bulan sang Agosto 2026.
Suno kay Rosiebelle A. Beluso, Officer-in-Charge sang Philippine Statistics Authority Capiz, iya ginpahayag nga yara sa amo nga bulan yara sa 3.8 percent ang inflation rate sang Capiz , mas manubo ini kumpara sa 4.1 percent sang bulan sang Hulyo.
Dugang pa sini, ang average sang inflation rate sang Capiz halin Enero tubtob Agosto yara sa 3.4 percent.
Pahayag pa sang natungdan, daku ang nangin epekto sa pagnubo sang inflation sa Food and Non-alcoholic Beverages nga nakarekord sang 3.0 percent halin sa 3.8 percent sang Hulyo.
Samtang ang Housing, Water, Electricity, Gas and Other Fuels nagnubo man sa 3.1 percent halin sa 3.5 percent sang nagligad nga bulan.
-- ADVERTISEMENT --
