Handom sang bag-o nga Commander sang 3rd Infantry (Spearhead) Division ang Insurgency Free para sa rehiyon.
Mahibaluan nga si Brigaider General Michael Samson ang pormal na nga nagpungko bilang bag-o nga Commander sang 3ID, PA.
Gintal-usan ni BGen. Michael Samson si Major General Marion Sison matapos ini nga nagretiro, nga nagserbisyo sa 3rd Infantry Division sang mas ukon menos duwa (2) ka tuig kag kapin 38 ka tuig nga nagserbisyo sa Philippine Army.
Sa ginhiwat nga Change of Command Ceremony sa Camp General Macario Peralta Jr. sa Jamindan, Capiz, ginsiling ni Samson nga luyag sini nga tutukan sang mga militar ang padayon nga pagpakigbato sa mga nagkalabilin pa nga mga myembro sang New People’s Army (NPA) agud nga pabalikon sa sabak sang gobyerno kag agud nga malab-ot ang handom sini nga insurgency free sa rehiyon.
Nagapati naman ini nga malapit na nga matapos ang problema sang insurhensya sa lugar nga sakop ng 3rd Infantry Division Philippine Army.
