Boluntaryo nga nagsurrender ang isa ka persona nga may warrant sa katapo sang Roxas Component City Police Station sa Brgy. Lawaan, Roxas City, Capiz.
Ang arestado amo si alyas Ore, 45-anyos, kasado, residente sang nasambit nga lugar.
Sa interview sang Bombo Radyo kay Police Lieutenant Colonel Rogelio Tomagtang Jr., Officer in Charge sang Roxas Component City Police Station, iya ginpahayag nga nag-surrender ang akusado sa istasyon sang hapon sang Mayo 28 sa kaso nga paglapas sa Section 5 sang RA 9262 ukon economic abuse.
Suno kay Tomagtang, ginserbihan siya sang warrant of arrest kag may ginrekomendar nga piyansa nga nagabalor sang P36,000 para sa iya temporaryo nga kahilwayan.
Sa subong, yara na sa kustodiya sang Roxas City Custodial Facility ang akusado antes ini iturn-over sa korte nga nag-isyu sang warrant para sa nagakaigo nga disposisyon.
