Ginpabaskog pa sang Israeli military ang ila pagpamomba sa Gaza matapos nga nagpaguwa sang bag-o nga evacuation order ang Israeli military sang Lunes.
Ang mga opisyales sang Israel nagahanda para sa pag-istoryahanay upod sa White House sa posible nga untat-lupok.
Ang bag-o nga mga airstrikes kag operasyon sa naaminhan nga Gaza nagtuga sang daku nga kahalitan sa mga komunidad, kasunod sang mga mando sa pagbakwit sang madamo nga tawo.
Suno sa mga pumuluyo, padayon nga ginabomba sang Israeli military ang mga eskwelahan, puluy-an, kag iban pa nga sibilyan nga lugar sa rehiyon.
Ginreport pa gid nga ang mga tangke sang Israel nagsulod sa sidlangan nga bahin sang Zeitoun suburb kag may yara sang serye sang mga pagpamomba didto.
Suno sa isa ka report, ginbombahan sang militar sang Israel ang apat ka mga eskwelahan, sa diin pila ka mga pamilya ang nagbakwit, samtang indi magkubos sa 38 ka tawo ang napatay sa Israeli airstrikes sang Lunes, lakip ang 10 sa Zeitoun kag 13 sa nabagatnan nga Gaza City.
Samtang, ginkumpirmar sang Israeli military nga ginpuntariya sini ang mga militante nga grupo nga ginapahayag yara sa northern Gaza. Apang wala pa sang opisyal nga pahayag ang Israel angut sa mga casualties.
