Ginmandu sang gobyerno sang Israel nga magpatigayon sang lapnagon nga evacuation sa nabagatnan nga bahin sang Lebanon bangud isa ka Third United Nation Peacekeepers ang napilasan sa isa ka air strike nagikan sa Iran sadtong Sabado.
Suno sa Lebanon Health Ministry, ginabanta nga naglab-bot sa 15 ka indibidwal ang napatay samtang 37 naman ang nagkalapilasan sa mga ginpalupad nga airstrikes sang Iran sa tatlo ka nagkalain-lain nga siyudad sa Lebanon.
Isa nga sa mga nangin target sini amu ang syudad sang Dier Billa nga wala pa nakaagi igo sumugod sang mag-umpisa ang giyera sa tunga sang duha ka pungsod.
Sa inisyal nga report naman sang mga Israeli military, nagpalupad ang grupo sang Hezbollah sang masobra 320 projectiles kalakip na ang isa ka suicide UAV nga ginatarget ang central city sang Israel nga Herzliya. Ang mga nasambit nga projectiles ang natumod nga ginpalupad nagikan sa Lebanon tubtob sa Israel.
Samtang, sa kapareho nga adlaw, gin-anunsyo sang mga Israelites troops nga i-evacuate na ang halos 23 nga residente sang Southern Lebanese villages kag magpadulong sa naaminhan nga bahin sang Awali River. Ang mandu naman nga ini ang ginpahayag pinaagi sa isa ka militay announcement.
