Ginkadlawan ni Israeli Prime Minister Benjamin Netanyahu ang nagalapta nga balita nga patay na siya.
Sa isa ka video nga ginpakigbahin, makita nga nagabaton siya sang mainit nga kape sa isa ka café malapit sa Jerusalem kag lahog nga nagsiling sang mga tinaga nga patay siya sa kape, isa ka ekspresyon nga nagakahulugan sang tuman niya nga luyag sa amo nga butang.
Gin-alsa man niya ang iya nga kamot kag ginpamangkot kun luyag bala nga bilangon sang mga tawo ang iya nga mga tudlo, bilang sabat sa mga espekulasyon online nga AI-generated ang iya ulihi nga televised address bangud kaangay anom ang tudlo niya sa video.
Kadungan sini, ginganyat ni Netanyahu ang mga Israeli nga sundon ang safety instructions sa tunga sang pamahog sang rocket attacks, samtang ginsiling nga padayon ang mainit nga pag-atake sang Israel batuk sa Iran kag Lebanon.
Samtang, nagpaandam ang Islamic Revolutionary Guard Corps sang Iran nga lagson kag patyon si Netanyahu, sandig sa report sang Islamic Republic News Agency.
